"Marriage is our last, best chance to grow up."

Wednesday, May 21, 2008

Kukumbatiana


Ni Muhimu ukafahamu kwamba mume wako au mke wako anahitaji kukumbatiwa mara kwa mara kwa ajili ya afya yake kisaikolojia na kimwili pia.
(Picha kwa hisani ya flickr) Dada Emmi anasema kwamba amemkumbuka sana mume wake ambaye yupo mbali kwa miezi zaidi ya sita sasa, anakiri kabisa kwamba kitu mojawapo kinachomfanya amumiss sana huyo mahabuba wake ni jinsi anavyojua kukumbatia (hug) anaendelea kukiri kwamba mpenzi wake huyo ni mchawi wa hugs na kwamba yupo huggable ile mbaya yaani acha, na dada Emmi hujisikia raha sana kwa Mguso ambao huwa anaupata, analikumbuka sana lile joto la mwili wake hasa wanapokuwa umeshikana kwa hug la uhakika, anamuona ni dawa, hujihisi yeye ni mali yake na hujisikia furaha isiyo ajabu Kuanzia mwilini hadi kwenye moyo.
Hayo ni maelezo ya dada ambaye anajua utamu wa kukumbatiwa na kukumbatia kitu ambacho ni hitaji kubwa muhimu kwa watu wanaopendana.

KUKUMBATIANA NI NINI?
Neno kukumbatia (hug) linatokana na neno hugga lenye maana kufariji.
Kukumbatiana kuna faida kubwa kuliko mtu anavyofikiria.
Utafiti unaonesha kwamba kukumbatiana husaidia watu kisaikolojia na kimwili pia.
Pia utafiti umeonesha kwamba kwenye mwili wa Binadamu (nervous system) kuna kemikali inayoitwa endorphins ambayo inapatikana kwenye damu iliyomo katika mfumo wa fahamu na husaidia kupunguza maumivu na hutuwezesha kujisikia salama, ahueni, kutiwa moyo, raha na utamu (euphoric).
Utafiti unaonesha kwamba watu wanapokumbatiana hizi kemikali huongezeka mwilini na hivyo kukumbatiana ni dawa tosha kabisa ya kumaliza maumivu mwilini kisaikolojia na kimwili (painkillers)
Pia Utafiti umeonesha kwamba kukumbatiana huongeza kinga ya mwili (immune), imethibitika kwamba kwenye ubongo kuna sehemu inayohusika kuitikia wakati watu wanakumbatiana.
Mfano:
Mtoto asipokumbatiwa (touch) kwa muda unaotakiwa sehemu ya ubongo hupoteza seli za misuli (atrophies) na kinga ya mwili hupungua.
Tunapokumbatiwa tangu watoto tunajenga uwezo wa kuwa na
Upendo,
Kupenda na
Kupendwa,
watoto ambao wamekulia mazingira ya kutokumbatiwa huwa wagumu sana kuwapenda wenzao.
Utafiti wa jamii katika tamaduni mbalimbali unaonesha kwamba jamii ambazo watu hawakumbatiani ni violent na wauaji.


JE BARA GANI MAARUFU KWA WATU KUKUMBATIANA?
Mwanasaikolojia Bwana Sidney Jourard alisafiri mabara yote na kugundua kwamba bara la Ulaya ndiyo linaongoza kwa watu wengi wanaopenda kukumbatiana likifuatiwa na Amerika na mengine yakifuatia


Wanaume na wanawake wote wanapenda kukumbatiana kwa maana kwamba wote wanahitaji kulisikia joto la upendo wa kukumbatiwa.
Wakati wanawake wengi walipoulizwa kwa nini wanapenda kukumbatiwa wengi walikiri kwamba sababu kuuu ni Kujisikia wanapendwa, kwa upande wa wanaume wengi wanakiri kwamba hupenda kukubatiana na wanawake kwa sababu hupenda kusikia Mguso wa matiti
(hapa hatuzungumzii mama au dada au ndugu)

SABABU ZINAZOFANYA WANAUME WAWE WANAPENDA KUKUMBATIWA NA WAPENZI WAO WANAWAKE
Raha ya mguso wa matiti
Wanaume hujisikia salama
Husaidia kushuka chini wakiwa na hasira
Hujisikia ana rafiki wa kweli
Hujisikia kupendwa
Naweza kumnusa mpenzi wangu na kupata harufu nzuri aliyonayo
Kufurahia kuamshwa kimapenzi
Hujisikia ni mali yake
Ni nafasi na kutoa na kupokea upendo
Kusikia joto la upendo
SABABU ZINAZOFANYA WANAWAKE WAWE WANAPENDA KUKUMBATIWA NA WAPENZI WAO WA KIUME
Inawafanya kujisikia kupendwa
Hujisikia wameunganishwa na kuwa karibu zaidi
Najisikia salama
Ni dawa kisaikolojia
Najisikia joto la upendo
Najisikia kulindwa
Hufarijika na kujiona mwanaume anamjali
Hujisikia vizuri miili kugusana na kujisia mtu muhimu

Mata Amritanandamyahi kiongozi wa kiroho wa Guru kutoka India yeye hujulikana kama Hugging saint na huzunguka dunia nzima kukumbatiana na watu, inaaminika kwamba akikukumbatia unaponya magonjwa pia.

Tutaendelea na somo kuangalia aina za kukumbatiana

Nawatakia utazamaji mwema wa mechi ya soka Champions League

Chelsea VS Man united





No comments: