"Marriage is our last, best chance to grow up."

Friday, November 19, 2010

Kosa Lilelile; Why?

Kuna usemi wa kingereza usemao “The more mistakes one makes in life, the smarter one gets in life” ingawa huu usemi hukubalika katika baadhi ya maeneo ya maisha, linapokuja suala la mapenzi au mahusiano huwa kitu kigumu.

Kwenye mapenzi na mahusiano makosa mengi huendelea kujirudia kila leo, wapo wanawake hujikuta kila wanapotafuta wapoenzi huangukia kwa wanaume ambao huishia kuwatesa na kuwaumiza kwa style ile ile. Na wapo wanaume ambao huangukia kwa akina dada walewale ambao huishia kutafuna pesa zao na kuishia.

Wengi tunaamini kwamba mahusiano yanapoenda vibaya yanaweza kusaidia kufungua macho ya muhusika ili siku akimpata mpenzi mpya aweze kujifunza na kutorudia kosa lilelile.

Hata hivyo imekuwa tofauti Kwenye mapenzi kwani wanaume na wanawake wenye njaa ya kupendwa hujikuta wamenasa Kwenye mtego uleule ambao waliukimbia kwa wapenzi wa zamani na kuendelea kuumizwa zaidi.

Mbaya zaidi ni pale ambapo tumeona wanandoa ambao wametoka familia zenye tatizo (wazazi kupigana, kuachana nk) nao wamejikuta wanandoa za aina hiyohiyo.

MFANO:

Jane anaelezea kwamba “John ni mwanaume smart, mwenye mafanikio na ambaye akiingia mahali popote si rahisi usishtuke kwa namna anavyovutia, anasema alikutana naye katika sherehe za ofisi yao na haikuchukua muda wakawa wapenzi hata hivyo baada ya miezi 3 alimuona John ni mwanaume mwenye wivu kupindukia na anaweza kukudhalilisha hata mbele za watu, akaamua kuachana naye.

Baada ya miezi sita akampata kijana mwingine mwenye sifa kama za John na wakapendana na kuwa wapenzi hata hivyo baada ya miezi 2 akajikuta amenasa Kwenye mtego wa mwanaume yuleyule kama John.

Swali la Jane lilikuwa kwa nini kila mara nikipenda mwanaume naangukia kwa mwanaume mwenye tatizo linalofanana, anasema anaogopa kupenda sasa.

Mwalimu Juma ameshaachana na wasichana wawili ambao wote alipoanza urafiki nao walimtegemea kwa kila kitu kifedha na alipotamka kuoana kila mmoja kwa wakati wake walimruka na kumkimbia.

Jane na mwalimu Juma si wao tu katika kujikuta wanaangukia kwa wapenzi wanaowaumiza mara zote inawezekana hata wewe unayesoma hapa yamekukuta, umejikuta upon Kwenye replay ya kosa lilelile kwa mpenzi wa zamani na sasa lipo kwa mpenzi mpya.

Watafiti wa masuala ya mahusiano wanakiri kwamba namna tumelelewa na familia ambazo zinatulea tangu watoto zina effect kubwa sana katika maisha yetu na namna tunaweza kumtafuta mwenzi wa maisha.

Kuna namna ya asili (natural Instinct) ambayo hutueleza namna ya kutafuta usalama wa kudumu kimaisha na hizi natural instinct hufanya tofauti na ufahamu wetu wa ndani hasa katika suala la mahusiano kwa kutofahamu tunatafuta kutimiza hisia zetu (emotions & feelings) kwa yale tuliona wakati tunalelewa.

Matokeo yake kama ulizaliwa familia ambayo baba na mama walikuwa wanagombana unaweza kuishia kumpata mpenzi mgomvi ambaye atakuwa anakudunda kila siku.

Je, unatakiwa kufanya nini kama unajikuta ni mtu wa kurudia kosa lilelile?

Jambo la msingi ni kufananisha sifa za mpenzi wako wa kwanza aliyekuumiza na huyu unataka kuwa naye na tafuta tofauti zake pia na orodhesha vitu ambavyo hupendi vijirudie.

Kama wewe ni Jane (Kwenye mfano) kwa nini kutafuta mwanaume kwa sababu ni smart au ana mafanikio badala ya mwanaume mwenye sifa tofauti na hizo?

Kwa nini kama wewe ni kama mwalimu Juma (Kwenye mfano hapo juu) utumie fedha kama njia ya kumvuta mwanamke akupende badala ya upendo tu bila kuonesha fedha zako au uwezo ulionao?

Kufanya jambo lilelile kwa njia ile ile si rahisi kupata matokeo tofauti.

Tumia ubongo



Wednesday, November 10, 2010

Nataka Anioe!

Mimi ni mwanamke mwenye umri wa miaka 25 nimependana na mwanaume mwenye miaka 30. tumekuwa pamoja miaka 3 sasa ingawa kila mtu anaishi kwake. Binafsi nina mtoto wa miaka 3 ambaye nilizaa na mwanaume mwingine bila kuoana.
Huyu mwanaume wa sasa ameniambia ananipenda na ana mpango wa sisi kuoana kwa ndoa kanisani na tumeshaenda kwa ndugu zetu pande zote kutambulishana ingawa kila mmoja anaishi kwake.

Tatizo lililopo sasa nina mimba yake na sipendi kuzaa mtoto mwingine nje ya ndoa (out of wedlock) na kila nikimuuliza huyu mwanaume ana mpango gani kuhusiana na ndoa hanipi jibu wazi na kamili huku akiishia kuniambia nimuamini na nimwachie kila kitu kwani anajua ni nini kinanitatiza na kwamba hataniangusha kwa hilo.
Sipendi aniache na sipendi kuzaa nje ya ndoa tena kwani ni aibu sana kuzaa watoto wawili wote nje ya ndoa.
Naomba ushauri nifanye nini ili anioe (kwa ndoa ya kanisani) kabla sijazaa.

Dada Jane (siyo jina haisi)



Dada Jane,
asante sana kwa swali lako na pole sana kwa yale unapitia hata hivyo swali lako linaonesha umeruhusu roho ya kukata tamaa na kukubali hofu na mashaka kukutawala hata umefika humuamini mpenzi wako.

Unachotakiwa kufanya ni kuacha kumlazimisha akuoe kwa ndoa ya kanisani na badala yake onesha upendo na uvumilivu na kuwa mwanamke mwenye subira.
Kutokana na maelezo yako inaonekana mwanaume uliye naye ni mwanaume ambaye anakupenda na amejitoa kwako (committed) kwani kitendo cha kukutambulisha wewe kwa wazazi wake ambao ni watu muhimu kwake ni kuonesha anakupenda na anakujali.

Kukwambia hatakuangusha hii ina maana hapendi kwenda kichwa kichwa kwenye suala la ndoa na kwamba mpe muda kwani anajua una mimba kwani ni wewe nay eye siku ile mliamua pamoja kutengeneza mtoto na si bahati mbaya bali kwa pamoja mlikubaliana na kama ulikuwa hupendi kuzaa kabla ya ndoa usingekubali kufanya mapenzi na badala yake ungesubiri.

Kitendo chako cha kumsukuma au kumlazimisha mfunge ndoa ili kuondoa aibu ya kuzaa tena nje ya ndoa inaweza kuwa tatizo zaidi na hata maafa. Ni vizuri kumpa heshima huyo mwanaume wako kwa kumpa muda ili afanye maamuzi sahihi kama kweli unahitaji mahusiano yenye afya.

Huhitaji kutawaliwa na hofu na mashaka wakati huu muhimu kwako hasa wakati huu unapotegemea kupata mtoto mwingine, unaweza kuharibu afya yako na afya ya mtoto tumboni bure.

Mwanaume uliyenaye anahitaji muda na kujipanga namna ya kuishi na wewe na huyo mtoto ambaye si wake na huyo ambaye yup tumboni mwako.

Ndoa imara hujengwa katika misingi ya upendo, uvumilivu, ukweli na kuaminiana na si kusukumana kwani kama maji yalishamwagika.

Upendo daima.